Ногоон төгөл амралтын газар Дорнод аймгийн Чойбалсан хотын төвөөс баруун урд зүгт 4,5 км зайд Хэрлэн голын ногоон дэнж дээр байрладаг.

Нэг ээлжиндээ 50-60 хүнийг хүлээн авах боломжтой цэвэр дүнз модоор хийсэн 4 байшин, 8 гэртэй.

Шорлог, хорхогны талбай бүхий сүүдрэвч, хоолны заал, хүнсний дэлгүүр, спорт тоглоом, диско бүжгийн талбайтай.

Төмс, хүнсний ногоог 2 га талбайд, хүнсний төрөл бүрийн нарийн ногоог 3 төрлийн хүлэмжинд химийн бордоо хэрэглэлгүй тарьж ургуулдаг.

Шинэ ургацын хүнсний ногоотой амтат хоолоор үйлчлэхийн сацуу Монголын уламжлалт аргаар бэлтгэсэн хорхог, боодог, түүнчлэн Дорнод нутгийн адууны утсан хавирга, шорлог, шарсан загас гэх мэт олон төрлийн хоолоор үйлчилнэ.

АЯЛЛЫН ХӨТӨЛБӨР:
• Нэг өдрийн морин аялал.
• Хэрлэн гол дээр завиар зугаалах
• Спорт загасчлал